Champhai Drug Case: Gauhati High Court-in Kum 10 Lung In Tang Tura Tih Tawh Chu Thiam A Chantir
Ni 1, September 2026 khan Gauhati High Court chuan ruihhlo man thubuaia kum 10 lung in tang tur leh Rs. 1,00,000/- chawi tur a Special Judge, NDPS Court, Champhai-in hremna a pek tawh chu a thiat a, he thubuaiah hian thiam a chan tir.
18th October 2024 khan Special Judge, NDPS Court, Champhai chuan NDPS Act Section 21(c) leh 25 hnuaiah Lalrosanga chu thiam loh a lo chantir tawh a. Trial court chuan kum 10 chhung lung in tang tur leh cheng nuai 1 chawi turin hremna a pe tawh a ni.
Ani hian he thutlukna hi pawm loin Gauhati High Court-ah criminal appeal a thleh lut zui a. Justice Kaushik Goswami chuan appeal hi pawmsakin, trial court-in thiam loh a chantirna leh hremna a pek chu a tihtawpsak a, thiam chantir ta a ni. High Court hian a rang lama chhuah zalen a nih ngei nan Release Order chhuah vat turin leh, thuneitute hnenah hriattirna thawn nghal turin Registry a hrilh bawk(www.jclalnunsanga.in)
Thutlukna kimchang inziahna(judgment) hi vawiina peih hman a nih dawn loh avangin, Judge-in Court chhungah thiam a chantirna hi a puang a. Tun dinhmunah chuan order tawi chiah a la awm avangin, a kimchang zawkin judgment chhuah hnuah lo dah leh a ni ang.
