India Zalenna Sualna-a Kristian Hriat Lar Lohte

India zalenna sualnaa Kristiante hnathawh that hi sawi hmaih a ni chawk thin a, mahse a tir te a tang tawh khan an thawk tha  hle a. Kum 1887-a Madras Congress in rawn khawmna pawimawh takah  khan palai 607 awm zingah 35 hi Kristiante an ni.

India zalenna a kristian langsar zual te chu:

 1. Congress dintu leh Hruaitu Hmasa Te :

Kali Charan Banerjee [1847-1907]: Bengali ukil, kum 1864-a Hindu atanga  Kristian a in let a ni a. Thu sawi thiam chung chuang leh Indian National Congress dintu zinga mi, Congress session hmasa ber berahte khan Indian Kristian-te aiawh a ni.

Madhusudan Das [1848-1934]: "Utkal Gourab" (Utkal Chhuang) tia hriat a ni a. Odisha atanga graduate leh ukil hmasa ber, India  zalenna tura Odisha Kristian-te aiawh hruaitu langsar tak a ni.

Brahmabandhav Upadhyay [1861-1907]: Chanchinbu mi, Pathian thu thiam (Theologian) leh zalenna sualtu pawimawh a ni. Sandhya chanchinbu, Bengali tualchhung tawng a chhuaha  zalenna  tlangaupui ngam awm chhun ti chhuaktu (ziaktu) a ni a. Swadeshi Movement-ah khan hmun pawimawh tak a chang.

 2. Gandhi-a Thian Hnai te

Sushil Kumar Rudra [1861-1925]: Bengali Kristian chhuan hnihna, St. Stephen's College, Delhi-a Principal India mi zing a ni  hmasa ber a ni. Kum 1915-a South Africa a tanga Gandhi leh a chhungte an lo haw khan a inah a lo thleng a. Civil Disobedience hunlaia zalenna sualtute aiawha sawrkara  lehkha pawimawh ziaktu  ber a ni. Gandhi-an "fak hlawh lo vala (silent servant)" tiin a ko.

Thevarthundiyil Titus [1905-1980]: Kerala a Mar Thoma Syrian Kristian chhungkua a tanga chhuak a ni a. Kum 1930-a Dandi March chhinchhiahthlak taka Gandhi-an mi 78 a thlan zing a kristian awmchhun a ni. India pawisa Rs. 500 hlui a Salt March milem thlalakah pawh a lang tel ve a ni.

J.C. Kumarappa [1892-1960]: Hming tak tak John Jesudason Cornelius a ni a. Gandhi-a thian hnai tak a ni a. Zalena sual nana hmang raw pawimawh chanchinbu Young India editor a ni.  Satyagraha thlawp tlat tu a ni a. Kum 1931 khan jail a , Quit India hun laiah tang leh in kum 1 chuang fe jail-ah a tang.

George Joseph [1887-1938]: Kerala atanga Syrian Kristian lawyer a ni a. Kum 1918-a Home Rule delegation England-a kal pui, Vaikom Satyagraha a hruaitu te zing ami a ni a, Non-Cooperation Movement-ah hruaitu pawimawh te zingah a tel bawk.

 3. Hmeichhe Hruaitu leh Mipui Chawk Tho Tute

Accamma Cherian [1909-1982]: Travancore (Kerala) a tang chhuak, headmistress hnathawk lai bansana zalenna sualna lam zawm ta a ni a.  Zalenna sual nan Desasevika Sangh (Hmeichhe Pawl) a din a  British rorelna dodalnan mipui 20,000 rual pungkhawm a hruai khawm a.  A huaisen em avangin Gandhi-an "Jhansi Rani of Travancore " tiin a phuah hial.

Rajkumari Amrit Kaur [1887-1964]: Kapurthala atanga Raja Harnam Singh, Kristian a inlet ta fanu a ni a. Protestant-a seilian a ni.  Jallianwala Bagh (1919) hnuah  Congress-ah a zawm a, Gandhi-a thian hnai ber zing mi leh India zalen hnua Sorkar Hmasak Ber Health Minister a ni.

 4. India Constitution duangtu leh State Hruaitu Te

Dr. H.C. Mookerjee [1877-1956]: Bengali Kristian lehkha zir sang tak a ni a, Constituent Assembly ah  Vice-President a ni a, Minority Rights Committee ah  Chairman, leh West Bengal Governor lo ni tawh a ni.

T.M. Varghese [1886-1961] leh A.J. John [1893-1957]: Travancore State Congress dintu, princely state Travancore-a sorkar rintlak din tuma hma latu hruaitu te an ni.

 5. Hming Thang Dang Te

Joseph "Kaka" Baptista [1864-1930]: Mumbai lam mi a ni a, Lokmanya Tilak-a thian hnai tak a ni a. Indian Home Rule League (1916) President hmasa ber, kum 1925-a Bombay a Mayor leh All India Trade Union Congress dintu a ni.

Joachim Alva [1907-1979] leh Violet Alva: Karnataka a Mangalorean Catholic nupa, hna tha tak bansana  thalaite sang tam tak hruaitu an ni a, Swadeshi an thlawp a, Civil Disobedience leh Quit India laia lung-in tang tawh te an ni.

Ralph Richard Keithan: Tamil Nadu-a American missionary, zalenna sualnaa feh chhuak tam em em a a ni.

Charles Freer Andrews: British mi Pastor leh Gandhi-a thian tha tlat, South Africa a tanga Gandhi-a India-a ko lettu te zing mi pawimawh a ni.

Dan lam kaihhnawih thutharte hi Whatsapp Group siamin update kan post thin a. Hemi Groupa i awm ve duh a nih chuan hemi link-ah hian lo join ve turin kan sawm a che. https://chat.whatsapp.com/BEZzj5EzMLCBEQjtWYRFug?mode=gi_c https://chat.whatsapp.com/DMaRfCsAQimCo6fLFyYNuS?mode=gi_c